* شي يحزن وشي يقزز وشي يرفع الضغط وتحس بالشفقة والرحمة عليهم لما تشوف بعض صور لاعبي منتخب المملكه اللي معسكرين في المانيا بهادي المناظر والاشكال المقززة، هادي هيه اخلاقكم ؟! هادي هيه تربيتكم؟! ياحسافة عليكم بدل ما تكونوا قدوة للشاب المسلم تطلع منكم هادي المناظر والاشكال والقصات العجيبة الغريبة، ليش التقليد الأعمى ايش حتستفيدوا من هادي الحركات البايخة اللي بتشوه صورتكم عند المتابع الرياضي وغير الرياضي ليش ما تاخدوا الشي الطيب وتقلدوه عشان العالم كله ياخد عنكم فكرة طيبة وتكونوا قدوة حسنة لغيركم، هادي التقليعات وقصات الشعر ولبس الاساور في اليد والرقبة ما يسويها الا الخواجات اللي ما عندهم لا دين ولا مله، حرام عليكم تسو في نفسكم كده، روحوا وقفوا قدام المراية وشوفوا اشكالكم كيف مقززه ومقرفه كل المواقع والمنتديات ناشره صوركم وكاتبه عليكم تعليقات تعجبكم روحوا شوفوها عشان تنبسطوا من اشكالكم، انا عارف انه كلامي ما حيعجبهم وحيردوا بالفم المليان انت مالك شغل هادي حرية شخصية وانا اقولهم براحتكم الحجر من الارض والدم من راسكم وكل مين بعقله يعيش ومانقول الا الله يهدي ما خلق.
* اجتماعات وراء اجتماعات والحال مكانك سر وكبيرهم الجديد قال بعظمة لسانه من شهور عدت انه حيدعم النادي بـ 100 مليون ريال وصبرت الجماهير الاتحادية وشكلها حتصبر على الوعود الورقية لبعض اعضاء الشرف وفي النهاية ما حتلقى لا بلح الشام ولا عنب اليمن والدليل ساندوتش الشاورما وتبرع الـ20 ريال من الجماهير الاتحادية.
* استغنى الاهلي عن مالك معاذ خبر كان مؤلم لكل الجماهير الرياضية وخاصة الاهلاوية لكن هذا هو حال الكرة وهذه هي ضريبة الاحتراف ولكل مجتهد نصيب.
* وقع حسني عبدربه لا ما وقع قضية كروية اتحادية مدري متى حتنتهي حكايتها ؟!
وسلمولي على التخطيط.
* ابداع وتكتيك كروي وتنظيم جماهيري جميل ورائع بنشوفوا هادي الايام في بطولة كأس امم اوروبا وياقلبي لا تحزن.
abofatoo@hotmail.com
* اجتماعات وراء اجتماعات والحال مكانك سر وكبيرهم الجديد قال بعظمة لسانه من شهور عدت انه حيدعم النادي بـ 100 مليون ريال وصبرت الجماهير الاتحادية وشكلها حتصبر على الوعود الورقية لبعض اعضاء الشرف وفي النهاية ما حتلقى لا بلح الشام ولا عنب اليمن والدليل ساندوتش الشاورما وتبرع الـ20 ريال من الجماهير الاتحادية.
* استغنى الاهلي عن مالك معاذ خبر كان مؤلم لكل الجماهير الرياضية وخاصة الاهلاوية لكن هذا هو حال الكرة وهذه هي ضريبة الاحتراف ولكل مجتهد نصيب.
* وقع حسني عبدربه لا ما وقع قضية كروية اتحادية مدري متى حتنتهي حكايتها ؟!
وسلمولي على التخطيط.
* ابداع وتكتيك كروي وتنظيم جماهيري جميل ورائع بنشوفوا هادي الايام في بطولة كأس امم اوروبا وياقلبي لا تحزن.
abofatoo@hotmail.com